රුපියල තවත් පහළට
ඇමෙරිකානු ඩොලරයට සාපේක්ෂව රුපිය‍ලේ අගය තවදුරටත් පහළ යමින් තිබෙන බව ඊයේ (22 දා) මහ බැංකුව නිකුත් කළ වාර්තාවකින් තහවුරු වේ. ඊයේ දිනයේදී ඇමෙරිකානු ඩොලරයක විකුණුම් මිල රුපියල් 173.38ක් වූ අතර ගැණුම් මිල රුපියල් 169.49 ක් බව ශ්‍රී ලංකා මහ බැංකු වාර්තාවල සඳහන්ය.
ඉකුත් සිකුරාදා ඩොලරයේ විකුණුම් මිල ලෙස සටහන් වූයේ රුපියල් 172.99කි. ඒ අනුව ඊයේ වන විට රුපියල තවත් ශත 39 කින් බාල්දු වී තිබුණි. රජය මෙම රුපියල අවප්‍රමාණය වීම පලනය කර නොගත හොත් භයානක ආර්ථික විපාකවලට මුහුණ දීමට සිදුවනු ඇතැයි ආර්ථික විශ්‍ලේෂකයෝ සඳහන් කරති.
මේ අතර ඩොලරයේ වටිනාකම පාලනය කර ගැනීම සඳහා චීනයෙන් ඩොලර් බිලියන 1ක ණය මුදලක් ශ්‍රී ලංකා මහ බැංකුව ලබා ගෙන ඇති බවද සඳහන්ය. මෙහි සත්‍ය අසත්‍ය තත්ත්වය දැනගැනීමට ශ්‍රී ලංකා මහ බැංකුවේ වගකිව යුතු නිලධාරියකු සම්බන්ධ කර ගැනීමට අප උත්සහ කළත් එය සාර්ථක වූයේ නැත.
No comments:
Post a Comment